Alex Soros, djali i George Sorosit, është fejuar me Huma Abedin, një ish bashkëpunëtore e Hillary Clintonit. Mediat amerikane në fillim të këtij viti bënë të ditur se të dy ishin në një lidhje, të cilën e konfirmuan shumë shpejt.
Ai ka shpërndarë një foto të fejesës në Instagram dhe ka thënë:
“Kjo ndodhi. Ne nuk mund të ishim më të lumtur, më mirënjohës apo më të dashuruar.”
Çifti së fundmi është parë duke shijuar një udhëtim në Itali. Shoqja e saj tha për Page Six se marrëdhënia e tyre është e qetë dhe e natyrshme dhe se pas shumë vitesh të turbullta ajo është e qetë dhe e lumtur.
Shikoni këtë postim në Instagram
Një postim i shpërndarë nga Alexander Soros, PhD (@alexsoros)
Ata u takuan në tetor të vitit të kaluar në festën e ditëlindjes së një miku të përbashkët. Ata jetojnë së bashku në Nju Jork.
Huma ishte një bashkëpunëtor i Hillary Clintonit. Në gusht 2016, ajo tha se po divorcohej nga ish-politikani Anthony Weiner. Ish kongresmeni dha dorëheqjen në vitin 2011. Atij iu desh të largohej nga Kongresi pasi u zbulua se ai u dërgonte femrave foto nudo prej vitesh.
“Pas shqyrtimit të gjatë dhe të dhimbshëm, kam marrë vendimin për t’u divorcuar nga burri im. Unë dhe Anthony do të qëndrojmë në marrëdhënie të mira për hir të djalit tonë, i cili është drita e jetës sonë. Në këtë moment të vështirë, ju kërkoj që të respektoni privatësinë tonë”, tha Huma. Ajo ishte në një lidhje me Bradley Cooper.
