“Unë flas për të gjallët, ju flisni për të vdekurit”. Kështu u shpreh kryeministri Edi Rama, kur u pyet nga gazetarët nëse do të bashkëpunojë me Sali Berishën për presidentin e ri.
Në një prononcim për mediat pas mbledhjes së Kryesisë së Partisë Socialiste, kreu i qeverisë refuzoi të japë përgjigje të detajuar nëse do të bashkëpunojë me Sali Berishën për kreun e ri të shtetit, ndërkohë që gjykata ka certifikuar “Rithemelimin” në PD.
Sakaq, Rama reagoi për kërkesën e SPAK, që kërkon arrestimin e Alqi Blllakos, si i përfshirë në aferën e inceneratorëve, ndërsa ky i fundit dorëzoi mandatin e deputetit. Kryeministri tha se përgjegjësia nuk është kolektive dhe se çdokush është i barabartë përpara ligjit.
