Shefi ekzekutiv i TikTok, Shou Zi Chew dëshmoi sot para një komiteti të Kongresit të SHBA-së për marrëdhëniet e aplikacionit me Kinën, çfarë të dhënash mbledh dhe çfarë bën me të.
Siç u raportua më parë, Shou Zi Chew u bëri thirrje ligjvënësve se aplikacioni është i sigurt për përdoruesit amerikanë dhe nuk përbën kërcënim për sigurinë kombëtare.
Autoritetet amerikane janë të shqetësuara se pronësia kineze e TikTok e bën aplikacionin të pabesueshëm.
Qeveria amerikane ka frikë se Kina mund të përdorë ligjet e saj të sigurisë kombëtare për të detyruar TikTok të dorëzojë sasi të konsiderueshme të të dhënave personale që mbledh nga përdoruesit e saj amerikanë.
Kryetarja Cathy Rodgers e hapi seancën me një kritikë të ashpër ndaj TikTok.
Ajo thotë se SHBA duhet ta ndalojë platformën për një sërë arsyesh, duke thënë se ajo kërcënon fëmijët e pafajshëm dhe përbën një kërcënim për sigurinë kombëtare për shkak të pronarit kinez të TikTok, ByteDance.
