Raundi i kaluar i Eredivisie holandeze ishte një shenjë mbështetjeje për viktimat e tërmetit në Turqi dhe Siri, por në një këndvështrim negativ kapiteni i Ajax-it Dushan Tadiq doli në qendër të vëmendjes së publikut botëror.
Në shenjë mbështetjeje për popullin turk dhe sirian, udhëheqja e ligës holandeze vendosi që të gjithë kapitenët e ekipeve të mbajnë shiritat e kapitenit me mesazhin “Lutuni për Turqinë dhe Sirinë” pranë një zemre të vizatuar me flamujt e këtyre dy vendeve.
Nga 18 kapitenë, 17 prej tyre dolën me shirita kapiten me atë mesazh, e Dushan Tadiq jo.
Në ndeshjen kundër Waalwijk, kapiteni i Ajax-it kishte veshur një shirit me tre X dhe tmerroi publikun holandez dhe atë botëror.
Hollanda Eredivisie'de Dusan Tadic hariç tüm takım kaptanları, depremzedeler için özel olarak hazırlanan kaptanlık bandıyla maçlara çıktı. pic.twitter.com/rGSYeM3hf6
— Sporun Dibi (@sporundibicom) February 14, 2023
Disa media holandeze dolën në mbrojtje të Tadiqit dhe deklaruan se vendimi për të mos mbajtur një fjongo me mesazh për turqit dhe sirianët nuk ishte i tij, por se Ajax nuk e lejoi atë.
Pas kritikave të shumta, Tadiq ka postuar në Twitter dhe ka thënë se është i trishtuar për fatin e turqve dhe sirianëve, por nuk ka shpjeguar pse nuk ka mbajtur fjongo në mbështetje të atyre njerëzve.
“Tërmetet në Turqi dhe Siri më tronditën thellë. Mendimet e mia janë me njerëzit që humbën të dashurit e tyre në këtë tragjedi dhe me të gjithë ata që u prekën në çfarëdo mënyre”, ka shkruar kombëtarja serbe.
Numri i të vdekurve nga tërmetet shkatërruese në Turqi dhe Siri ka kaluar 40 mijë, por me siguri do të rritet, sepse mijëra njerëz janë nën rrënoja.
