Të dyshuarit janë shtetas suedezë me origjinë iraniane, ndërsa vëllai i madh ka punuar për agjencitë suedeze të inteligjencës.
Prokuroria e Suedisë ka akuzuar dy vëllezër suedez për “spiunazh të rëndë” nën dyshimin se kanë spiunuar për Rusinë.
Mediat lokale raportojnë se vëllezërit u identifikuan si Peyman Kia, 42-vjeç dhe Payam Kia, 35-vjeç, të cilët ishin me origjinë iraniane.
Ata akuzohen se kanë punuar me inteligjencën ushtarake të Rusisë GRU për një dekadë nga shtatori i vitit 2011 deri në shtator të vitit 2021.
Transmetuesi publik SVT raportoi se vëllai i madh, në kohën e arrestimit të tij në shtator të vitit 2021, ishte menaxher i rangut të lartë në një agjenci qeveritare suedeze.
Ai ka punuar më parë për shërbimin e brendshëm suedez të sigurisë SAPO dhe agjencinë e jashtme të inteligjencës MUST.
Vëllai tjetër u arrestua në nëntor të vitit 2021.
Sipas raporteve të mediave suedeze, të dy kanë mohuar akuzat.
