Futbollisti më i mirë boshnjak, Edin Džeko, i cili humbi ndeshjen e mbrëmshme të përfaqësueses ndaj Qipros (2:1) për shkak të një dëmtimi në hundë, është kthyer sot në Stamboll dhe i është bashkuar stërvitjeve të Fenerbahçes.
Siç shihet në fotografitë e publikuara, “Diamanti” është pritur me buzëqeshje nga trajneri José Mourinho dhe portieri kroat Dominik Livaković.
Džeko u stërvit pa maskë, pasi vetëm bëri vrapime të lehta, ndërsa shpreson të jetë gati për ndeshjen e së premtes kur Fenerbahçe udhëton përballë Bodrumspor-it. Nëse do të luajë, do të mbajë një maskë mbrojtëse gjatë ndeshjes.
Aktualisht, Fenerbahçe është në ndjekje të liderit Galatasaray me nëntë pikë diferencë, por me një ndeshje më pak.
Kujtojmë se Džeko pësoi një goditje të rëndë në hundë në ndeshjen kundër Rumanisë dhe u detyrua të largohej nga loja pas pjesës së parë, ndërsa përballjen e mbrëmshme ndaj Qipros e ndoqi nga stoli.
