Një granatë dore ka shpërthyer mesnatën e së hënës në Zveçan, ku cak i sulmit ishin zyret e Postës së Kosovës.
E një tjetër u shpërthye në mënyrë të kontrolluar nga ana e njësiteve adekuate të policisë.
Lidhur me këtë çështje në një intervistë për GazetaBlic, ka reaguar eksperti i sigursisë Hysen Gecaj, i cili thotë se sulme të tilla do të vazhdojnë të ketë edhe më tutje, derisa të arrihet një marrëveshje përfundimtare mes Kosovës dhe Serbisë.
“Edhe në të kaluarën kam thënë që sulmet do të vazhdojnë dhe do të ketë edhe më tutje, për shkak se pa u arrit një marrëveshje përfundimtare mes Kosovës dhe Serbisë nuk do të ketë qetësi për shkak se këto sulme dhe këto ngjarje në përgjithësi faktikisht për dikë krijojnë avantazhe në tavolinë nesër kur do të ulemi prandaj edhe ndodhin sulme të tilla në vazhdimësi”, tha ai.
Ai theksoi se në vitet e fundit zhvillimet në veri të vendit nuk është se kanë zgjedhur problemin përfundimtar të problemeve mes Kosovës dhe Serbisë, por ka qenë vetëm një ndryshim i taktikave të sjelljeve të atyre që veprojnë në veri.
Ai thotë se këto sulme të cilat po ndodhin janë të orkestruara nga Beogradi, i cili shton se për faktin se tani ka protesta kundër qeverisë në Beograd tani po ndodhin akte të tilla në Kosovë, në mënyrë që ta tërheq vëmendjen e protestuesve nga Kosova.
“Ajo që është zhvilluar këto 2-3 vitet e fundit në veriun e Kosvoës, faktiskisht nuk është se ka zgjedhur problem përfundimtar të problemeve mës të Serbisë dhe Kosovës, por ka qenë vetëm një ndryshim i taktikave të sjelljeve të atyre forcave që veprojnë në veri, qofshin ato pjesa politike qoftë kjo pjesa tjetër që është shumë më agresive dhe është e kordinume prej Beogradi, dhe këto dy forca si ajo politke dhe terrorriste janë të kontolluara nga Beogradi”.
“Në këtë kohë në vecanti ka qenë e pritshme të ndodh dicka e tillë, sepse në Beograd ka protesta të shumta të studentëve kundër qeverisë serbe dhe qeveria serbe në një varg të aktiviteteve të saj është mundu që ta tërheq vëmendjen ka Kosova të gjithë atyre protestuesve, dhe ta prezentoj problemin serb në Kosovë si një kërcënim për egzistencen e tyre në Kosovë dhe si një tyrsni e qeverisë së Kosovës dhe institucioneve kosovare kundër serbëve të Kosovës, gjë që në praktikë nuk është realitet por ky perceptim shkon dhe përhapet në Serbi”, u shpreh ai.
Ndër të tjera Gecaj thotë se veriu është keqpërdorur nga të gjithë akterët që kanë qenë të involvuar në këtë pjesë të vendit.
Ai shton se prej kur janë vendosur njesitet tona policore në veri, kanë filluar të ndodhin akte të tilla terroriste.“është keqpërdorë veriu bukur shumë, nga të gjithë akterët që kanë qenë të involvuar në veri, marrë parasysh edhe përkundër të drejtës ligjore dhe kushtetuese ka pas deklarata dhe është pa nga Bashkësia Ndërkombëtare si një hap i gabuar për shkak se po i jep shkas më teper Serbisë për të përfituar në tyrezë. Prej kur vendosem njësitë tona policore në veri, dhe e forcum shtetin në veri tani kanë filluar edhe aktetet terrorriste të ndodhin. Përvec pjesës poltike që gjithmonë ka qenë aktive tani janë intensifiku edhe aktet terroriste, dhe këto akte gjithmonë te popullata pakicë serbe në veri qojnë një sinjal për një rrezik të mundshëm të cilin Bashkësia Ndërkombëtare nuk do kishte dëshirë ta shihte”, përfundoi ai për GazetaBlic.
