Ekuipazhi prej katër personash, duke përfshirë udhëtarin e parë hapësinor të Türkiyes, Alper Gezeravcı, do të kryejë më shumë se 30 kërkime shkencore gjatë detyrës së tyre 14-ditore në ISS
Ekuipazhi i misionit hapësinor Ax-3 hyri në Stacionin Ndërkombëtar Hapësinor (ISS) në orën 07:16 me Kohën Standarde Lindore (ET) (GMT1216) pas procesit të ankorimit, transmeton Anadolu.
Misioni u nis nga Qendra Hapësinore Kennedy e NASA-s në Florida në orën 16:49 ET të enjten (2149 GMT) me një raketë Falcon 9 të kompanisë private të eksplorimit të hapësirës SpaceX.
Kapsula Dragon, që mbante ekuipazhin, duke përfshirë udhëtarin e parë të Türkiyes në hapësirë, Alper Gezeravcı, u ankorua sot në ISS në orën 05:42 të mëngjesit me kohën ET (1042 GMT).
Ekuipazhi prej katër personash do të kryejë më shumë se 30 kërkime shkencore gjatë detyrës së tyre 14-ditore në ISS.
