Njeriu më i pasur në botë, Elon Musk, baba i dhjetë fëmijëve, u tha njerëzve që të “bëjnë më shumë bebe”, por edhe të shfrytëzojnë më shumë naftë dhe gaz natyror.
“Më besoni: kriza e foshnjave është një punë e madhe,” u tha sipërmarrësi (51) gazetarëve në Stavanger, në Norvegjinë jugperëndimore, ku ai është planifikuar të marrë pjesë në një konferencë energjetike.
I pyetur për sfidat më të mëdha me të cilat përballet bota, themeluesi i prodhuesit amerikan të makinave elektrike Tesla sigurisht përmendi kalimin në burimet e rinovueshme të energjisë, por menjëherë vazhdoi me lindjen.
Siç u shpreh ai, lindshmëria është “një nga shqetësimet e tij kryesore, ndoshta më pak të njohura”.
“Është e rëndësishme që njerëzit të kenë mjaft foshnje në mënyrë që të ruajnë qytetërimin”, thotë Elon Musk.
Duke mbërritur në Stavanger me një avion privat, Elon Musk tha gjithashtu se Toka ka ende nevojë për burime të karburantit fosile.
“Unë mendoj se realisht duhet të përdorim naftën dhe gazin në një afat të shkurtër, sepse përndryshe qytetërimi do të shembet… sidomos këto ditë me sanksionet kundër Rusisë”, shtoi Musk.
