Zonja e parë e Turqisë, Emine Erdoğan, dhe homologja e saj ukrainase, Olena Zelenska, vizituan fëmijët ukrainas pa prindër që strehohen në një qendër të posaçme në Ankara.
Fëmijët e shtëpisë së fëmijëve Eryaman, të cilët kanë ikur nga lufta në Ukrainë, i mirëpritën ato me buqeta lulesh në ngjyrat e flamujve të Turqisë dhe Ukrainës.
Vizita u fokusua në shoqërimin me fëmijët, duke përfshirë lojëra dhe leximin e tregimeve. Ato vizituan gjithashtu një ekspozitë me punime artizanale dhe ndoqën një shfaqje muzikore dhe vallëzimi.
Fëmijët më pas i dhuruan Zelenskës një kolazh fotografish me kujtimet e tyre në qendër.
Erdoğan theksoi në rrjetin social X angazhimin e Turqisë për të qëndruar pranë atyre që kanë nevojë.
“Fëmijët që kanë vazhduar arsimin e tyre në paqe dhe siguri në Turqi gjatë tre viteve të fundit janë frymëzimi ynë më i madh se paqja është e mundur.”
