Presidenti turk Rexhep Tajip Erdogan dënoi Kongresin e Shteteve të Bashkuara për duartrokitjen e fjalimit të kryeministrit izraelit Benjamin Netanyahu, të cilin ai e përshkroi si “plot delirium”.
“E gjithë bota pa dhe pa një vrasës gjenocidal të duartrokitur në Kongresin e SHBA. Mendoni për ata që vranë pothuajse 40,000 fëmijë, gra dhe të moshuar. Dhoma e Përfaqësuesve i duartroket,” tha Erdogan.
Ai shtoi se bota po përballet me një humbje të arsyes pasi Kongresi pret një “kasap” që ka gjakun e 150,000 banorëve të Gazës në duart e tij.
Izraeli është akuzuar për gjenocid përpara Gjykatës Ndërkombëtare të Drejtësisë (ICJ), e cila në vendimin e saj të fundit urdhëroi Tel Avivin të ndalonte menjëherë ofensivën e tij ushtarake në Rafah në Gazën jugore, ku më parë kishin kërkuar strehim më shumë se një milion palestinezë.