Kryqëzori me raketa Varyag (011) i Flotës Ruse të Paqësorit dhe anija e madhe anti-nëndetëse Admiral Tributs (564) po kthehen në Vladivostok për “vendosje të përhershme”, pasi Turqia nuk i ka lënë ata në Detin e Zi nëpërmjet Bosforit.
Sipas burimeve ukrainase, që nga fillimi i shkurtit, para pushtimit të gjithanshëm të Ukrainës, këto dhe një sërë anijesh të tjera të Flotës së Paqësorit prisnin lejen për të kaluar, por nuk e morën kurrë. Është e qartë se Rusia donte t’i përdorte ato në luftën kundër Ukrainës.
Anijet Varyag dhe Admiral Tributs aktualisht po kalojnë nëpër ngushticën e Singaporit.
Türkiye refused to let Russian ships get into the Black Sea
Russian cruiser Varyag and Russian destroyer Admiral Tributs planned to sail to the Black Sea through Bosphorus.
They've been waiting for 9 months.
They are moving back to their base in Vladivostok. pic.twitter.com/7Yj8OjfYkJ
— Clash Report (@clashreport) November 7, 2022
Kreu i grupit të vëzhgimit të Institutit të Kërkimeve Strategjike të Detit të Zi Andriy Klymenko gjithashtu raportoi se anijet e përmendura u panë në këtë ngushticë më 6 nëntor.
Kujtojmë se më 26 shkurt, presidenti turk Rexhep Tajip Erdogan njoftoi se Turqia kishte ndaluar kalimin e të gjitha anijeve luftarake të Marinës ruse përmes ngushticës së Bosforit, dy ditë pasi Rusia pushtoi Ukrainën.
