“Greqia ka sfiduar NATO-n dhe aleatët e saj duke rritur qëndrimin e saj armiqësor, i cili filloi me provokimin e hapësirës ajrore dhe avionëve tanë dhe u përshkallëzua në nivelin e bllokimit me radarë S-300”, tha presidenti Erdoğan.
Presidenti i Türkiye-s, Recep Tayyip Erdoğan, kritikoi Greqinë për provokimin e avionëve turq që kryejnë misione zbulimi mbi Egje dhe Mesdheun Lindor, duke e quajtur atë një “akt armiqësor”, raporton Anadolu Agency (AA).
“Greqia ka sfiduar NATO-n dhe aleatët e saj duke rritur qëndrimin e saj armiqësor, i cili filloi me provokimin e hapësirës ajrore dhe avionëve tanë dhe u përshkallëzua në nivelin e bllokimit me radarë S-300”, tha presidenti Erdoğan, përpara një koncerti me rastin e festimit të njëqindvjetorit të Ditës së Fitores së Türkiye-s në kompleksin presidencial në Ankara.
“Greqia as nuk krahasohet me ne e as nuk mund të bëhet palë për ne politikisht, ekonomikisht apo ushtarakisht”, shtoi presidenti Erdoğan.
Duke përmendur veprimet e fundit të Greqisë, ai u shpreh: “Ne jemi kurioz për reagimin e SHBA-së ndaj provokimit të sistemit grek të mbrojtjes ajrore ndaj avionëve turq”.
Türkiye, një anëtare e NATO-s, ka kritikuar shpesh aleancën ushtarake, përfshirë SHBA-në, se nuk e mbështet atë sa duhet në mosmarrëveshjen e saj territoriale me Greqinë në ishujt në Egje dhe çështjen e eksplorimit të hidrokarbureve në Mesdheun Lindor.
Erdoğan tha më tej se veprimi grek për të krijuar baza në ishujt e Egjeut nuk ka ndonjë rëndësi për Türkiye-n.
Duke iu referuar masës së SHBA për të hequr sanksionet ndaj Indisë pavarësisht blerjes së sistemeve ruse të mbrojtjes S-400, Erdoğan tha se çështja nuk është përputhshmëria e pajisjeve ushtarake ruse dhe amerikane, duke shtuar: “Është Türkiye në veçanti”.
Duke theksuar se Türkiye është në gjendje të prodhojë çdo produkt për të cilin i mohohet qasja, Erdoğan kritikoi SHBA-në për bllokimin e shitjes së avionëve F-35 për shkak të blerjes së sistemeve të mbrojtjes S-400.
“Ndarja e përvojës në luftën kundër terrorizmit, ndryshues i lojës”
Presidenti Erdoğan tha se vullneti i mirë i vendit të tij për ndarjen e përvojës me miqtë e saj në luftën kundër terrorizmit dhe përparimi në industrinë e mbrojtjes ka vepruar si një “ndryshues i lojës”.
Duke folur më herët në ceremoninë e diplomimit të Akademisë Ushtarake Turke në Ankara me rastin e njëqindvjetorit të Ditës së Fitores, presidenti Erdoğan tha: “Türkiye është bërë një vend që parandalon, në vend që të mbetet prapa, duke miratuar një strategji për të parandaluar kërcënimet nga rrënja e tyre”.
Ai shtoi se Türkiye peshon të mirat dhe të këqijat e marrëdhënieve të saj ekzistuese, por nuk heziton të krijojë partneritete të reja.
Erdoğan gjithashtu tha gjithashtu se Ankaraja bëri “goditjen e parë të madhe dhe serioze” ndaj grupit terrorist DEASH, i cili ishte një kërcënim i madh rajonal, nëpërmjet operacionit të saj “Mburoja e Eufratit” në Sirinë veriore.
“Në vijim të operacioneve Dega e Ullirit, Burimi i Paqes dhe Mburoja e Pranverës, ne i treguam të gjithë botës fuqinë e Forcave të Armatosura Turke për të mbrojtur interesat e vendit tonë dhe për të siguruar paqen në rajonin e tij”, tha ai.
Presidenti turk kritikoi gjithashtu “qëndrimet armiqësore të të ashtuquajturve aleatët tanë kundër Türkiye-s, apo mbështetjen që ata u japin atyre që shfaqin qëndrime të tilla”.
Në lidhje me sistemin e arsimit dhe trajnimit ushtarak të Türkiye-s, Erdoğan tha se vendi tani ka “braktisur plotësisht” sistemin “të dëmtuar nga mentaliteti puçist për 70 vjet”.
“Zhvillimet globale dhe rajonale tregojnë se ne duhet të përforcojmë ushtrinë tonë me personel më të kualifikuar dhe më shumë trupa”, tha ai, duke shtuar se Türkiye do të përdorë të gjithë “energjinë, përqendrimin dhe mundësitë e saj për këtë çështje në të ardhmen”.
