“Njerëzit po buzëqeshin në rrugët e Halepit, Homsit dhe Damaskut”, tha presidenti turk Recep Tayyip Erdoğan
Sirianët sot shpresojnë për të ardhmen pas 13 viteve të luftës civile në vendin e tyre, tha sot presidenti i Türkiyes, Recep Tayyip Erdoğan, raporton Anadolu.
“(Për herë të parë) Në vite, njerëzit po buzëqeshin në rrugët e Halepit, Homsit dhe Damaskut. Pas 13 vjetësh, vëllezërit dhe motrat tona siriane po e shohin të ardhmen e tyre me shpresë”, tha Erdoğan në një kongres lokal të Partisë së tij për Drejtësi dhe Zhvillim (AK) në provincën lindore Erzurum.
Bashar al-Asad, udhëheqësi i Sirisë për gati 25 vjet, iku në Rusi pasi grupet kundër regjimit morën kontrollin e Damaskut më 8 dhjetor, duke i dhënë fund regjimit të Partisë Baath, e cila kishte qenë në pushtet në Siri që nga viti 1963.
