Turqia po kërkon nga autoritetet amerikane që të gjejnë terroristin që sulmoi Shtëpinë Turke në Nju Jork, tha presidenti turk Rexhep Tajip Erdogan.
Duke vënë në dukje se SHBA është përgjegjëse për sigurinë e Shtëpisë së Turqisë, Erdogan tha se autori duhet të gjendet sa më shpejt të jetë e mundur.
“Në Evropë, PKK e pa që gjërat po përkeqësoheshin, filluan të sulmojnë votuesit. Ata ndoshta thonë se këta votues janë për Aleancën Popullore. Prandaj po i sulmojnë,” tha ai.
Ai shtoi se ata sulmuan Shtëpinë Turke në Amerikë, përballë ndërtesës së Kombeve të Bashkuara, dhe thyen xhamat.
“A nuk duhet t’u themi tani autoriteteve amerikane dhe forcave të sigurisë: “Duhet ta gjeni shpejt këtë terrorist dhe duhet të bëni atë që është e nevojshme.” Pyes veten nëse një incident i ngjashëm ka ndodhur në Turqi, si do ta shikonit atë?” shtoi ai .
Shtëpia Turke është një rrokaqiell që strehon misionet diplomatike turke në Nju Jork. Një sulmues i panjohur me një shufër hekuri ka thyer dje xhamat e katit përdhes të pallatit.
Disa media njoftuan se ishte një akt terrorist dhe theksuan se ndodhi kur filloi votimi për raundin e dytë të zgjedhjeve turke për mërgimtarët turq.
