Pas përfundimit të ndeshjes së mbrëmshme mes Gjeorgjisë dhe Portugalisë në Kampionatin Evropian të Futbollit, të cilën e fitoi përzgjedhja nga Kaukazi me rezultat 2:0, pamë edhe një skenë të tmerrshme.
Një nga rolet kryesore luajti Cristiano Ronaldo, i cili gjithashtu e nisi ndeshjen e turit të fundit nga minuta e parë, edhe pse Portugalia kishte siguruar tashmë vendin e parë në grup.
Një fans ka dashur një foto apo firmë të portugezit të njohur, aq sa në një moment ka arritur t’i shpëtojë sigurisë dhe të ngjitet në majë të tunelit.
This is crazy.pic.twitter.com/Rc1eLon23D
— The CR7 Timeline. (@TimelineCR7) June 27, 2024
Nga atje, tifozi fjalë për fjalë iu hodh Ronaldos dhe ra në thellësi të tunelit. Ndërkohë sigurimi u hodh përballë Cristianos për ta mbrojtur dhe për të mos lënduar portugezin nga kjo tentativë tronditëse.
Vetë Ronaldo nuk mund ta besonte atë që po ndodhte në atë vend me mosbesim dhe vështrimi i tij thoshte mjaftueshëm që nuk ishte aspak rehat.
Ende nuk dihet nëse djali që u hodh në drejtim të tij përfundoi duke u lënduar pasi u rrëzua nga një lartësi mjaft e madhe.
