Postimi në Instagram i Lionel Messit në Kupën e Botës është kthyer në postimin më të pëlqyer të një sportisti në histori, duke tejkaluar postimin e Cristiano Ronaldos ku ai dhe Messi luanin shah.
Messi dje fitoi Kupën e Botës në Katar me kombëtaren argjentinase, duke hedhur kështu një hap të madh në luftën për epitetin e futbollistit më të mirë të të gjitha kohërave dhe momentin e shumëpritur me kupën e kampionit të botës e ka ndarë në Instagram. dhe theu të gjitha rekordet.
Lionel Messi's World Cup Instagram post has become the most liked post by a sportsperson, overtaking Cristiano Ronaldo's post of himself and Messi playing chess 🐐 pic.twitter.com/Y197GvHBqS
— ESPN FC (@ESPNFC) December 19, 2022
Në vetëm 18 orë, fotografia ka mbledhur mbi 45 milionë pëlqime, të cilat ende po vijnë dhe madje mund të kërcënojnë rekordin botëror që mban fotoja me vezë me 56.2 milionë pëlqime.
Kështu Messi e mori trofeun e vetëm në karrierë që i mungon dhe tani me arsye mund të thuhet se është futbollisti më i madh i të gjitha kohërave (DHI).
Kujtojmë se Argjentina fitoi ndaj Francës pas një gjuajtjeje më të mirë të penalltive dhe Messi shënoi dy gola në rrjedhën e rregullt të lojës, më saktë gjatë 120 minutave.
Meqë ra fjala, aktualisht argjentinasit janë rrugës për në Buenos Aires, ku po përgatitet një pritje dhe festë e madhe dhe Messi ka pozuar edhe me kupën e kampionit në avion dhe fotoja ka mbledhur 14.6 milionë pëlqime dy orë pas publikimit.
