Në rreth 200 shkolla të mesme në Francë, fëmijët nën 15 vjeç do të duhet të dorëzojnë celularët e tyre sapo të hyjnë në shkollë, në një proces testimi që, nëse do të jetë i suksesshëm, do të zbatohet në të gjithë shtetin.
Në Francë, në vitin 2018 u vendos një ndalim për përdorimin e celularëve për nxënësit në shkollat e mesme dhe fillore, por fëmijët mund t’i mbanin celularët me vete gjatë ditës.
Megjithatë, sipas rregullave të procesit eksperimental të shpallur, fëmijët në Francë, sapo të mbërrijnë në shkollë, do të duhet t’i dorëzojnë pajisjet e tyre celulare, të cilat do t’i marrin pas përfundimit të ditës.
Sipas qeverisë franceze, kjo është një lloj “pushimi dixhital”, dhe procesi do të zgjasë deri në janar, kur do të bëhet vlerësimi i rezultateve dhe mundësia e zbatimit të këtij ndalimi në të gjithë shtetin.
