Sipas një raportimi në mediat angleze, “roja” e vjetër e Manchester City ka vendosur rregulla strikte të reja parkimi për të gjithë anëtarët e ekipit të parë të Qytetarëve.
Sipas Daily Mail, një grup prej pesë lojtarësh me përvojë të ekipit të parë kanë dalë me një rregull të ri parkimi për t’i siguruar vetes një vend më të mirë në parking.
Thuhet se Kyle Walker, Kevin De Bruyne, Ruben Dias, Rodri dhe Bernardo Silva ishin shtytësit kryesorë pas lëvizjes që solli një ndryshim në lidhje me hapësirat e reja të parkimit.
Tashmë ka një sistem parkimi më të “lëmuar” që renditet në bazë të statusit të tyre dhe kohës së kaluar në klub.
Tashmë të gjithë kanë numrin e tyre dhe lojtarë si Mateo Kovaçiq, Matheus Nunes dhe Jeremy Doku janë më larg hyrjes se ata që kanë qenë me klubin gjatë viteve të suksesit nën Guardiolën”, thuhet në raportin e portalit të lartpërmendur.
Është një rregull që nuk është përdorur më parë në klubin Etihad dhe është e paqartë pse lojtarët e Cityt kanë vendosur ta zbatojnë atë në këtë fazë të sezonit.
Megjithatë, nuk është hera e parë që një klub Premiership ka miratuar rregulla strikte rreth makinave dhe parkimit me lojtarë më të rinj, pasi Liverpool “detyron” futbollistët e tyre të rinj të nënshkruajnë një klauzolë të pazakontë makinash në kontratat e tyre që i ndalon ata të drejtojnë automjete me motorë më të mëdhenj se 1. 3 litra në përpjekje për të qëndruar në tokë në fillim të karrierës së tyre.
Kujtojmë, City po lufton me Arsenalin për titullin kampion të Anglisë dhe me tre xhiro deri në fund ka një pikë më pak se Topniku dhe një ndeshje më pak, kështu që është e qartë se nëse shënojnë të gjitha fitoret deri në fund. do të jetë kampion i Anglisë për të katërtën herë radhazi.
