Galatasaray, barazoi 2-2 në ndeshjen e kthimit kundër ekipit holandez AZ Alkmaar në fazën play-off të Ligës së Evropës, pasi kishte humbur ndeshjen e parë 4-1, dhe kështu i dha lamtumirën garave evropiane.
Në Ligën e Evropës po zhvillohen emocionet e ndeshjeve të kthimit në fazën play-off.
Galatasaray, i drejtuar nga Okan Buruk, dhe AZ Alkmaar, i udhëhequr nga Maarten Martens, u përballën në Kompleksin Sportiv Ali Sami Yen, me gjyqtarin anglez Anthony Taylor që drejtoi ndeshjen.
Pas humbjes 4-1 në ndeshjen e parë jashtë fushe, Galatasaray barazoi 2-2 në ndeshjen e kthimit dhe me rezultatin total 6-3 u eliminua nga Liga e Evropës.
Alkmaar mbylli pjesën e parë në avantazh
Ekipi mysafir hapi serinë e golave në minutën e 43-të me golin e Maikuma. Pjesa e parë përfundoi me epërsinë 1-0 të AZ Alkmaar.
Epërsia u dyfishua
Përfaqësuesi holandez realizoi edhe një gol në minutën e 55-të me Kasius, duke e çuar rezultatin në 2-0.
Galatasaray u rikthye nga rezultati 2-0
Përgjigjja e Galatasaray nuk vonoi. Victor Osimhen shënoi në minutën e 56-të, duke ngushtuar diferencën në 2-1.
Në minutën e 70-të, Sallai shënoi golin e barazimit, duke e çuar rezultatin në 2-2.
Galatasaray largohet nga Evropa
Në minutat e mbetura nuk pati gola të tjerë dhe Galatasaray u eliminua nga Liga e Evropës.
Alkmaar pret kundërshtarin e radhës
AZ Alkmaar u kualifikua në fazën e 1/16-ave dhe do të përballet me Manchester United ose Tottenham.
Galatasaray pret Fenerbahçen
Pas lamtumirës nga Evropa, Galatasaray do të zhvillojë ndeshjen e radhës në derbin e madh të Superligës kundër Fenerbahçes.
Ndeshja do të luhet më 24 shkurt, të hënën, në orën 20:00 në Kompleksin Sportiv Ali Sami Yen.
