KONKURRENT në edicionin gjerman të kuizit Kush dëshiron të bëhet milioner? ai u pyet se si të shkruhet saktë Hercegovina dhe ai kishte nevojë për ndihmën e një shoku për t’iu përgjigjur.
Edhe pse bëhet fjalë për një episod të muajit tetor, së fundmi në rrjetet sociale është publikuar një screenshot i pyetjeve që i janë bërë konkurrentit Jörg Riehemann, i cili përfundoi duke fituar 125 mijë euro. Xhokeri i parë i duhej pikërisht për pyetjen për Bosnje-Hercegovinën, ku shkruhej: “Sarajeva është kryeqyteti i Bosnjës dhe…?”.
Atij iu ofruan përgjigjet e Herzogowin, Herzigowin, Horzegowin dhe përgjigja e saktë e Hercegowin në vendin e fundit. Duke qenë se Riehemann nuk ishte i sigurt për përgjigjen e saktë, ai kërkoi ndihmën e një shoku që i dha përgjigjen e saktë dhe e ndihmoi të kalonte pyetjen për 32 mijë euro.
