Babai i sensacionit adoleshent Lamine Yamal, Mounir Nasraoui, tërhoqi vëmendjen gjatë festimit të golave gjysmëfinale të Kampionatit Evropian të djalit të tij, me shumë komente për pamjen e tij rinore.
Lamine Yamal (16) tërhoqi vëmendjen me paraqitjet e shkëlqyera në Kampionatin Evropian për kombëtaren spanjolle, dhe shpejt u bë një nga figurat më intriguese në botën e futbollit.
Futbollisti i ri kishte të drejtë të luante për tre shtete. Babai i tij, Mounir Nasraoui, është maroken dhe nëna e tij, Sheila Ebane, është nga Guinea Ekuatoriale. Prandaj në çizmet e tij mban flamujt e të dy vendeve, së bashku me Spanjën ku lindi dhe u rrit.
Ka qenë babai i Yamal ai që tërhoqi shumë vëmendjen në ndeshjen gjysmëfinale pasi u filmua duke festuar golin e djalit të tij. Pamja e tij ra në sy të fansave në rrjetet sociale pasi Mounir duket si bashkëmoshatari i Lamines dhe jo babai i tij.
Image: A young Lamine Yamal with his father and grandmother. pic.twitter.com/7v12aKcWPf
— Barça Universal (@BarcaUniversal) October 3, 2023
Babai i yllit të ri të futbollit është i ri, por pamja e tij ngjan shumë me atë të vëllait apo bashkëmoshatarit të Lamines. Interesant është edhe fakti se Mounir Nasraoui është më i ri se shoku i skuadrës së Yamal, Jesus Navas, me të cilin luan në kombëtaren spanjolle në kampionatin aktual evropian.
Në fakt, babai i Yamal është më i ri se shumë futbollistë në Kampionatin Evropian. Sipas AS spanjolle, Mounir Nasraoui ka lindur në vitin 1992 dhe kishte një djalë kur ishte vetëm 16 vjeç.
Nasraoui sigurisht që do të jetë mbështetësi më i madh nga tribuna për djalin e tij Yamal gjatë finales së Kampionatit Evropian, i cili është caktuar për të dielën. Spanjollët do të kenë si rivale Anglinë në Berlin.
