Eshtrat e 3200 viktimave të ekzekutimeve të shkurtra në periudhën pas Luftës së Dytë Botërore janë gjetur muajt e fundit në një gropë afër Macesnova Goricës në pyjet e Koçevski Rog në Slloveni.
Lajmin e ka publikuar agjencia sllovene e lajmeve STA.
Numri më i madh i vrasjeve të sllovenëve pas vitit 1945 dyshohet se ka ndodhur në atë vend, thanë të premten për media përfaqësues të komisionit qeveritar slloven përgjegjës për hetimin e varrezave masive pas vitit 1945.
Pas vitesh kërkimesh dhe përgatitjesh, gërmimet në Maçesnova Goricë filluan në maj dhe përfunduan në tetor.
Viktimat e fshehura në atë vend ishin kryesisht shtetas sllovenë, ka thënë historiani dhe anëtari i komisionit Mitja Ferenc, transmeton “Ansa”.
