Një atak i heshtur në zemër është i zakonshëm dhe me të drejtë duhet t’i frikësohemi atij. Mungesa e stërvitjes, dieta e varfër dhe një mënyrë jetese përgjithësisht jo e shëndetshme mund të rrisin rrezikun e sulmit në zemër. Por si ta parandalojmë dhe a është madje e mundur dhe si të njohim në kohë shenjat paralajmëruese dhe të shpëtojmë jetë?
Kardiologu i spitalit Columbia, Asia Anil Bansal, paralajmëron se ne të gjithë duhet të njohim shenjat e një ataku kardiak që trupi ynë ndonjëherë na jep paraprakisht. Disa nga shenjat e mundshme paralajmëruese shpesh neglizhohen.
Kur ndjeni rëndim në gjoks, dhimbje të padurueshme në pjesën e sipërme të barkut, dhimbje në krahun e majtë, shpinë, nofullën dhe qafën, ose keni gulçim, është koha të shkoni te mjeku dhe të kërkoni një EKG. Nëse reagoni në kohë, mund të keni shpëtuar jetën tuaj.
Shenjat e një ataku të mundshëm në zemër përfshijnë të përziera, djersitje të ftohta dhe marramendje. Tek burrat, shenja më e zakonshme paralajmëruese e një sulmi në zemër është dhimbja në gjoks, ndërsa gratë kanë më shumë gjasa të kenë simptoma të gulçimit, të përziera dhe dhimbje të nofullës, tha Bansal./Gazetaere
