Greqia dërgon ndihma në Türkiye për shkak të tërmetit

Kryeministri grek, Mitsotakis shprehu ngushëllimet e tij për të afërmit e atyre që humbën jetën në tërmetin në Türkiye. Ai tha se: “Greqia po mobilizon burimet e saj dhe do të ndihmojë menjëherë”

Greqia do të dërgojë ndihma në Türkiye për shkak të tërmetit me magnitudë 7.4 ballë, epiqendra e të cilit është rrethi Pazarcık i Kahramanmaraşit dhe ka prekur gjithsej 10 provinca, transmeton Anadolu.

Kryeministri i Greqisë, Kiryakos Mitsotakis në llogarinë e tij në Twitter, duke shprehur ngushëllimet e tij për të afërmit e atyre që humbën jetën në tërmetin në Türkiye tha: “Greqia po mobilizon burimet e saj dhe do të ndihmojë menjëherë”.

Mitsotakis gjithashtu tha se ishte “thellësisht i pikëlluar” nga tërmeti që ndodhi në Türkiye dhe shkaktoi shkatërrime në Siri.

Në tërmetin e Marmarasë në vitin 1999, Greqia dërgoi ndihma në Türkiye dhe në tërmetin e Athinës në vitin 1999, poashtu Türkiye dërgoi ndihma në Greqi.

Kategoritë
BotaLajme