Notarja bjelloruse Aleksandra Herasimenia (36), fituese e tre medaljeve olimpike dhe ish kampione e botës në not, u dënua në mungesë me 12 vjet burg në Bjellorusi për “krijimin e një grupi ekstremist”.
Ajo u dënua nga një gjykatë në Minsk me akuzat për thirrje për sanksione dhe dëmtim të sigurisë kombëtare të Bjellorusisë.
Në vitin 2020, Herasimenia themeloi Fondacionin e Solidaritetit të Sporteve Bjelloruse, i cili bashkoi qindra atletë bjellorusë kritikë ndaj sundimit autoritar të Presidentit Alexander Lukashenko.
Shameful! Aliaksandra Herasimenya & Aliaksandr Apeikin were sentenced to 12 years in prison. The regime can't get to them, but their property in Belarus was seized, including a car & an apartment. This is how the regime tries to punish its opponents in exile. https://t.co/32xKOYzLFh
— Sviatlana Tsikhanouskaya (@Tsihanouskaya) December 26, 2022
Atë vit, gjatë protestave për rizgjedhjen e Aleksandër Lukashenkos si president, i cili ka qenë në pushtet që nga viti 1994, Herasimenija nënshkroi një letër të hapur, së bashku me sportistët e tjerë bjellorusë, duke bërë thirrje për “zgjedhje të lira”.
Ish-notarja, e cila u tërhoq nga sporti në vitin 2019 dhe jeton në mërgim, që atëherë ka formuar Shoqatën e Solidaritetit të Sporteve Bjelloruse (BSSF), një organizatë që ofron ndihmë financiare dhe ligjore për atletët bjellorusë të shënjestruar nga autoritetet.
Autoritetet bjelloruse e njohën atë si një “formacion ekstremist” dhe e dënuan me 12 vjet burg dhe i konfiskuan të gjithë pasurinë e saj.
Herasimenija ishte nënkampione olimpike në Londër në vitin 2012 në 50 dhe 100 stil të lirë dhe fitoi medaljen e bronztë në Rio në 50 metra stil i lirë.