Houthit kanë konfirmuar rrëzimin e një droni amerikan MQ-9 Reaper mbi qytetin bregdetar Al-Hudaydah në Detin e Kuq, duke e çuar numrin e përgjithshëm të këtyre dronëve të rrëzuar në 17.
Departamenti Amerikan i Mbrojtjes dhe Komanda Qendrore (CENTCOM) ende nuk e kanë konfirmuar humbjen e këtij droni, ndërsa kanale të Telegram-it pranë Houthive kanë shpërndarë video dhe fotografi që pretendohet se tregojnë momentin kur MQ-9 Reaper u godit.
Sipas rasteve të dokumentuara deri më tani, ky është droni i 17-të i këtij lloji që rrëzohet nga forcat Houthi – gjë që tregon se ata kanë gjetur një mënyrë shumë efektive për mbrojtjen kundërajrore.
MQ-9 Reaper, i prodhuar nga kompania General Atomics dhe i përdorur nga Forcat Ajrore të SHBA-së, është një ndër platformat kryesore si për zbulim ashtu edhe për misione luftarake.
Çdo njësi e këtij droni, në varësi të konfigurimit, kushton rreth 31 milionë dollarë. Sipas të dhënave të disponueshme, vlera e përgjithshme e 17 dronëve Reaper të humbur në Jemen tashmë tejkalon 527 milionë dollarë.
Houthit, të mbështetur nga Irani, kanë përmirësuar ndjeshëm kapacitetet e tyre të mbrojtjes kundërajrore vitet e fundit, duke vendosur sisteme të drejtuara me radar dhe platforma të modifikuara për raketat tokë-ajër.
