Identifikohet një sëmundje vdekjeprurëse e bagëtive në Evropën Jugore

Sëmundja hemorragjike epizootike, e cila mund të jetë fatale tek gjedhët, është identifikuar për herë të parë në Evropë, tha të premten agjencia franceze e shëndetësisë Anses.

Sëmundja nuk është e transmetueshme te njerëzit.

Agjencia vë në dukje se në kontinent ka mbërritur një specie mushkonjash përmes së cilës transmetohet virusi, kjo është “pasojë e ndryshimeve klimatike”.

Rastet e para të sëmundjes virale u zbuluan në vjeshtën e vitit 2022 në Sardenjë dhe më pas në Siçili, sipas Anses. Më pas raste të tjera të sëmundjes vdekjeprurëse u identifikuan në Andalucia, Spanjën jugore.

“Tek gjedhët, sëmundja potencialisht fatale shkakton ethe, anoreksi, çalim dhe shqetësime në frymëmarrje”, tha agjencia franceze. Sëmundja hemorragjike epizootike u regjistrua për herë të parë në vitin 1955 në dre në Virxhinia, SHBA. Në vitet në vijim virusi u përhap në Azi, Australi dhe Afrikë.

“15 vjet më parë nuk e imagjinonim që sëmundja mund të arrinte një ditë në Evropë”, shpjegoi studiuesi Stefan Ziedara. “Përhapja e saj është një pasojë e drejtpërdrejtë e ndryshimit të klimës që lejon mushkonjat vektore të mbijetojnë në zonat (evropiane),” shtoi ai.

Hipoteza më e mundshme është se mushkonjat kaluan Mesdheun të transportuar nga era.

Deri më tani nuk ka asnjë vaksinë për virusin. /abcnews.al

Kategoritë
LajmeTë ndryshme