Duket se Kina ka ndërtuar një aeroplanmbajtës të ri dhe të pazakontë, duke ngjallur interesin e ekspertëve, pasi ky mund të jetë aeroplanmbajtësi i parë i këtij lloji, i cili mund të rrisë më tej fuqinë detare në zgjerim të shpejtë të Pekinit.
Imazhet satelitore nga Planet Labs tregojnë një anije me një sipërfaqe të madhe të hapur të sheshtë në ndërtim në kantierin detar Guangzhou Shipyard International në ishullin Longxue, në provincën jugore Guangdong.
Ky aeroplanmbajtës potencialisht i ri ka “një formë dhe madhësi disi të pazakontë – shumë më i vogël se aeroplanmbajtësit e mëparshëm detarë kinezë,” tha Thomas Shugart, një ish-komandant nëndetëseje i marinës amerikane dhe aktualisht bashkëpunëtor në Qendrën për Sigurinë e Re Amerikane.
E paqartë nëse po ndërtojnë një anije ushtarake apo civile (Foto: Planet Labs PBC)
Anija është më e vogël se anijet e sulmit amfib të tipit 075 të përdorura nga marina e Pekinit, gjë që sugjeron se Kina mund të jetë duke ndërtuar aeroplanmbajtësin e parë “gjoja civil” në botë si një lloj anijeje kërkimore oqeanografike, shtoi Shugart.
Kina përndryshe prodhon me një ritëm të shpejtë anije lufte gjithnjë e më të avancuara, shpesh duke përputhur teknologjinë me atë të aeroplanmbajtësve amerikanë.
