Iniciativa Qytetare në Veri i ka kërkuar Listës Srpska të japë dorëheqjen për shkak se “protestat u mbyllën turpshëm”.
“Protestat e qytetarëve në veri të Kosovës përfunduan në mënyrë të turpshme dhe poshtëruese për të gjithë njerëzit që morën pjesë në to dhe që jetojnë në këto zona”.
Kjo iniciativë thotë se katër ditë pasi u hoqën barrikadat, kryesia e Listës Srpska nuk ka bërë të ditur asgjë në lidhje me arsyen e heqjes së barrikadave, shkruan Danas, transmeton Gazeta Express.
“Ku fshihet Lista Srpska që deri dje që thanë “S’ka dorëzim””.
Në këtë iniciativë qytetare thuhet se qytetarët kanë besuar se përmes barrikadave do të luftojnë për të drejtat themelore të njeriut.
“Megjithatë, ata u mashtruan dhe u mashtruan sërish. Përfaqësuesit politikë të mbledhur rreth Listës Srpksa nuk dolën para popullit dhe të thonë atë që është marrë vesh me presidentin në prapaskenat e opinionit”, kanë thënë ata.
Ata pyesin se cilët janë hapat e mëtejshëm dhe pse kryesia e kësaj partie ka pranuar heqjen e barrikadave dhe ndalimin e protestave edhe pse siç thonë ata “nuk është plotësuar asnjë kërkesë (e tërë)”.
Kjo iniciativë thotë gjithashtu se çfarë do të ndodhë me personat që u larguan nga institucionet e Kosovës në shenjë mbështetjeje.
“A do të humbasin punën për shkakun tuaj apo do t’i detyroni të kthehen me përulësi në institucione?”.
Kjo nismë qytetare u ka dërguar një kërkesë anëtarëve të Listës Serbe.
“Ne si përfaqësues të qytetarëve i ftojmë të marrin përgjegjësi politike, të dalin publikisht dhe si akt moral të japin dorëheqjen, pra të largohen nga të gjitha pozitat drejtuese për të cilat ende marrin disa paga, duke filluar nga organet e përkohshme komunale, drejtorë dhe funksione të ndryshme administrative, sepse me paaftësinë e tyre politike e sollën popullin në këtë gjendje”.
