MIT ka shënjestruar 120 objektiva të organizatës terroriste PKK/YPG pas sulmit terrorist të PKK-së më 23 tetor ndaj TUSAŞ.
Organizata Kombëtare e Inteligjencës Turke (MIT), pas sulmit terrorist ndaj Industrisë Turke të Aviacionit dhe Hapësirës (TUSAŞ), ka goditur 120 objektiva të organizatës terroriste PKK/YPG, transmeton Anadolu.
Sipas informacionit të marrë nga burimet e sigurisë, MIT ka shënjestruar 120 objektiva të organizatës terroriste PKK/YPG pas sulmit terrorist të PKK-së më 23 tetor ndaj TUSAŞ.
Më tej u tha se MIT do të vazhdojë operacionet e saj pandërprerë deri në arritjen e objektivit të planifikuar kundër organizatës terroriste.
Operacionet erdhën pas një sulmi terrorist të PKK-së të mërkurën në selinë e Industrive Turke të Aviacionit dhe Hapësirës (TUSAŞ) në rrethin Kahramankazan të Ankarasë, në të cilin u vranë 5 persona dhe u plagosën 22 të tjerë.
Në fushatën e saj terroriste më shumë se 40-vjeçare kundër Türkiyes, PKK, e listuar si organizatë terroriste nga Türkiye, SHBA-ja dhe BE-ja, ka qenë përgjegjëse për vdekjen e 40 mijë njerëzve.
