Simpatizantët e lëvizjes u mblodhën përpara Zonës së Gjelbër, duke protestuar ndaj kandidatit të Kornizës Koordinuese të mbështetur nga Irani për kryeministër, Mohammed Shia al-Sudani
Një grup anëtarësh të Lëvizjes Sadr u mblodhën para Zonës së Gjelbër, ku ndodhen ndërtesat qeveritare në kryeqytetin e Irakut, Bagdad, dhe hynë në ndërtesën e parlamentit duke kapërcyer barrierat prej betoni, raporton Anadolu Agency (AA).
Simpatizantët e lëvizjes u mblodhën përpara Zonës së Gjelbër, duke protestuar ndaj kandidatit të Kornizës Koordinuese të mbështetur nga Irani për kryeministër, Mohammed Shia al-Sudani.
Ndërkohë që turma po përpiqej të çante barrierat e betonit përreth zonës, hasi në ndërhyrjen e forcave të sigurisë. Një grup më pas thyen barrierat dhe ia mësynë ndërtesës së parlamentit.
Kryeministri i Irakut Mustafa al-Kadhimi u bëri thirrje demonstruesve “të mos dëmtojnë pronën publike dhe private dhe të tërhiqen menjëherë nga Zona e Gjelbër”.
Ndryshe, grupet shiite pro-iraniane në Irak e kanë nominuar Sudanin si kandidatin e tyre për kryeministër.