Sharmahd u dënua me vdekje nga Gjykata e Revolucionit në Teheran me akuzën e “çrregullimit në tokë duke planifikuar dhe drejtuar akte terroriste”
Irani dënoi me vdekje Jamshid Sharmahd-in, i cili dyshohet se ishte lideri i një organizate kundër regjimit iranian me bazë në SHBA dhe akuzohej për “organizim të akteve terroriste” në vend, transmeton Anadolu.
Sipas agjencisë së lajmeve “Mizan”, e lidhur me gjyqësorin iranian, Sharmahd, i cili dyshohet se ishte lideri i grupit të njohur si “Tonder” dhe “Asambleja e Mbretërisë së Iranit” kundër regjimit iranian me bazë në SHBA, u dënua me vdekje nga Gjykata e Revolucionit në Teheran me akuzën e “çrregullimit në tokë duke planifikuar dhe drejtuar akte terroriste”.
Organizata në fjalë akuzohet se ka organizuar disa akte të armatosura dhe sabotime në të gjithë vendin me sulmin terrorist që vrau 14 persona dhe plagosi 215 persona në qytetin e Shirazit më 12 prill 2008.
Ministria e Inteligjencës e Iranit njoftoi kapjen e Sharmahd-it dhe sjelljen e tij në Iran në korrik të vitit 2020. Ai ishte shtetas i dyfishtë iraniano-gjerman dhe i njohur se kishte banuar në SHBA që nga viti 2003.
Familja e tij kishte thënë se Sharmahd ishte “rrëmbyer” në Emiratet e Bashkuara Arabe (EBA).
