Ish-portieri gjerman Claus Reitmaier (60) ka njoftuar se ka rikthyer fëmijët e tij, të cilët më shumë se një vit e gjysmë më parë u rrëmbyen nga ish-partnerja e tij Pricilla Patricia Lefoldt. Ajo dhe fëmijët Whitney (8) dhe Cyril (5) ishin në arrati që nga janari i vitit 2023, ndërsa në fillim të gushtit të këtij viti u shpall një urdhër-arrest ndërkombëtar për të. Një muaj e gjysmë më vonë, e dyshuara u dorëzua tek autoritetet.
“Përshëndetje, gjithçka mbaroi, ju lutem hiqni të gjitha njoftimet për personat e zhdukur. Fëmijët janë të sigurt. Faleminderit Zotit. Faleminderit të gjithëve për mbështetjen”, shkroi ish-portieri 60-vjeçar, i cili gjatë karrierës së tij më të madhe ka lënë gjurmë në Wolfsburg, dhe gjithashtu ka mbrojtur për Kaiserslautern, Karlsruher dhe Borussinë M’Gladbach.
Gjithashtu, disa dashamirës më të vjetër të futbollit kujtojnë që ai ka mbrojtur edhe në Grbavicë, në një ndeshje miqësore mes Željezničarit dhe Wolfsburgut gjerman, e luajtur më 02.10.2001, në kuadër të festimit të 80-vjetorit të klubit nga Grbavica, ku Željo fitoi 2:0. Në Bundesligë ka grumbulluar 335 ndeshje, dhe në mesin e viteve ’90 ishte i njohur si specialist për mbrojtjen e penalltive.
“Jam jashtëzakonisht i lumtur që mund t’i shoh fëmijët e mi përsëri pas 616 ditësh. Dy fëmijë janë shpëtuar, shpresoj që tani gjithçka të shkojë mirë,” tha Reitmaier për Bild.
Ish-partnerja e tij (nuk ishin të martuar) më 15 janar 2023 nuk ia ktheu dy fëmijët babait, në kundërshtim me marrëveshjen e kujdestarisë.
Pavarësisht masave të gjera hetimore në bashkëpunim të ngushtë me shtetet e tjera federale, për muaj të tërë nuk u arrit të zbulohej vendndodhja e gruas dhe fëmijëve.
Prandaj, me kërkesë të prokurorit publik, gjykata e rrethit të Mönchengladbach lëshoi një urdhër kombëtar dhe evropian arresti dhe urdhëroi kërkimin publik për të dyshuarën. Të dy fëmijët tani janë kthyer te babai pas dorëzimit të gruas 35-vjeçare.
Thuhet se ish-partnerja e Reitmaier kishte qëndruar në veri të Gjermanisë dhe në Austri, ndërsa fëmijët ishin te gjyshja.
