Ish-sekretari i përgjithshëm i NATO-s, Jens Stoltenberg, pritet të bëhet të martën ministri i ri i financave të Norvegjisë, si pjesë e një riorganizimi të kabinetit, raportuan televizioni NRK dhe gazeta e përditshme DN, duke cituar burime anonime.
Stoltenberg, një veteran i Partisë Laburiste, ka qenë kryeministër i Norvegjisë gjatë viteve 2000-2001 dhe 2005-2013. Ai drejtoi aleancën ushtarake perëndimore për një dekadë dhe u tërhoq vitin e kaluar, përfshirë periudhën e parë të mandatit të presidentit amerikan Donald Trump.
Partia euroskeptike e Qendrës në Norvegji u largua nga qeveria të enjten, për shkak të një mosmarrëveshjeje mbi miratimin e politikës energjetike të Bashkimit Evropian, duke i lënë laburistët e qendrës së majtë të qeverisin të vetëm tetë muaj para zgjedhjeve.
