Anija ‘Razoni’, që transporton mbi 26.500 tonë misër në Liban, mbrëmë u ankorua në brigjet turke pranë hyrjes së ngushticës së Istanbulit në Detin e Zi.
Një delegacion nga Qendra e Përbashkët Koordinuese (JCC) në Istanbul ka filluar inspektimin e anijes ‘Razoni’, anijes së parë me drithëra që ka mbërritur nga Ukraina që nga fillimi i luftës me Rusinë, raporton Anadolu Agency (AA).
Anija ‘Razoni’, që transporton mbi 26.500 tonë misër në Liban, mbrëmë u ankorua në brigjet turke pranë hyrjes së ngushticës së Istanbulit në Detin e Zi.
Anija e mallrave me flamurin e Sierra Leone u nis të hënën nga porti ukrainas Odessa dhe është anija e parë e nisur nën marrëveshjen historike të muajit të kaluar të ndërmjetësuar nga Türkiye dhe Kombet e Bashkuara (OKB) për të rifilluar dërgesat e grurit nga portet e bllokuara ukrainase.
Pas inspektimeve nga një delegacion i JCC-së në Istanbul, ku po punon personeli turk, rus, ukrainas dhe i OKB-së, anija do të lundrojë për në Tripoli të Libanit.
Më 22 korrik, Türkiye, OKB-ja, Rusia dhe Ukraina nënshkruan një marrëveshje historike për të rihapur tre portet ukrainase, Odessa, Chernomorsk dhe Yuzhny, për të transportuar grurin e bllokuar si pasojë e luftës së vazhdueshme Rusi-Ukrainë, që filloi më 24 shkurt.
