Qeveria italiane po përgatit një paketë të re armësh për Ukrainën, duke përfshirë sistemet e mbrojtjes ajrore.
Një zyrtar i koalicionit italian tha se Roma ishte e gatshme t’i siguronte Ukrainës sisteme të ndryshme të mbrojtjes ajrore, duke përfshirë raketat franko-italiane SAMP/T me rreze të mesme veprimi, italiane Aspide dhe raketat portative Stinger.
Megjithatë, është e paqartë se sa prej tyre mund të ofrojë ose kur mund të dorëzohet ndonjë dërgesë.
Ministri italian i Mbrojtjes Guido Crosetto foli me telefon të hënën me Sekretarin e Mbrojtjes të SHBA-së, Lloyd Austin dhe u zotua të mbështesë Ukrainën kundër pushtimit rus për aq kohë sa të jetë e nevojshme.Qeveria e sapo-instaluar e koalicionit të krahut të djathtë të Giorgia Melonit po përgatit raundin e gjashtë të furnizimeve për Ukrainën.
