Mijëra izraelitë morën pjesë në disa tubime që mbahen për 18 javë në të gjithë Izraelin për të protestuar ndaj planeve të diskutueshme të qeverisë për të ndryshuar sistemin gjyqësor
Protestat masive dhe veprimet e mosbindjes civile kanë vazhduar në mbarë Izraelin kundër planit të diskutueshëm të reformës në gjyqësor dhe politikave të krahut të djathtë të qeverisë së kryeministrit Benjamin Netanyahu, raporton Anadolu.
Mijëra izraelitë morën pjesë në disa tubime që mbahen për 18 javë në gjithë Izraelin për të protestuar ndaj planeve të diskutueshme të qeverisë për të ndryshuar sistemin gjyqësor.
Demonstruesit u mblodhën në protestat në qytete të ndryshme si Tel Aviv, Haifa, Kfar Saba dhe Netanya.
Ata mbanin pankarta pro demokracisë që kritikonin politikanët e ekstremit të djathtë në qeverinë e koalicionit.
Si pjesë e protestave, punonjësit e sektorit të teknologjisë së lartë rreshtuan domino 2 metra të gjatë, njëra prej të cilave ishte gati të rrëzohej, për të sugjeruar dëmin e shkaktuar nga plani gjyqësor i qeverisë në sektorin e teknologjisë së lartë.
mediave izraelite, policia arrestoi pesë persona për “përpjekje për të hyrë në autostradën Ayalon dhe për të bllokuar trafikun”.
Protesta u mbajtën gjithashtu në gjithë vendin para shtëpive të ministrave dhe ligjvënësve nga partnerët e koalicionit.
Demonstrata para rezidencës së ministrit Ben-Gvir
Demonstruesit u mblodhën përpara shtëpisë së Ministrit të Sigurisë Kombëtare që vjen nga ekstremi i djathtë, Itamar Ben-Gvir, në vendbanimin ilegal hebre Kiryat Erba në Bregun Perëndimor të pushtuar.
Duke iu referuar numrit në rritje të vrasjeve në vend, protestuesit ngritën edhe pankarta ku shkruhej: “U vranë 78 veta, ka një kriminel. Ku je tani, radha jote?”
Gjithashtu, rreth 500 demonstrues u mblodhën para rezidencës presidenciale në Kudsin Perëndimor.
Shtyrja e reformave në gjyqësor
Plani i reformës në gjyqësor, i shpallur nga ministri izraelit i Drejtësisë Yariv Levin më 5 janar, shihet nga opozita si një rrëmbim pushteti në favor të autoritetit ekzekutiv.
Më 27 mars, Netanyahu njoftoi shtyrje në planin e diskutueshëm për reformën në gjyqësor që shkaktoi protesta masive në mbarë vendin.
Polemika e përjashtimit ushtarak të grupit fetar
Hebrenjtë ultra-ortodoksë nga grupi fetar Haredi në Izrael, të cilët përbëjnë 12 për qind të popullsisë së vendit, refuzojnë të shërbejnë në ushtri për arsye fetare.
Shërbimi kombëtar ushtarak në Izrael është i detyrueshëm për të gjithë meshkujt dhe femrat për një periudhë 24-mujore.
Hebrenjtë Haredi, duke u përjashtuar nga shërbimi ushtarak, marrin trajnime në kurset fetare deri në moshën 26-vjeçare.
Raportet e mediave izraelite tregojnë se partitë ultra-ortodokse kërkuan që mosha e përjashtimit nga rekrutimi të ulet nga 26 në 21 vjeç.
Përjashtimi i komunitetit Haredi nga shërbimi ushtarak dhe ndihma shtetërore që ata marrin diskutohen shpesh në protestat masive kundër planit të diskutueshëm gjyqësor.
