Izraeli sulmoi një klinikë të Agjencisë së OKB-së për Refugjatët Palestinezë në Lindjen e Afërt (UNRWA) në kampin e refugjatëve Jabalia
Konfirmohet se 16 palestinezë, përfshirë 9 fëmijë, humbën jetën në një sulm ajror të Izraelit ndaj një klinike të Agjencisë së OKB-së për Refugjatët Palestinezë në Lindjen e Afërt (UNRWA) në kampin e refugjatëve Jabalia, në pjesën veriore të Rripit të Gazës, ku qëndronin palestinezët e zhvendosur, raporton Anadolu.
Sipas informacioneve që burimet shëndetësore kanë dhënë për AA-në, 16 palestinezë, mes tyre 9 fëmijë, kanë humbur jetën në sulmin ndaj klinikës ku po strehoheshin palestinezët e zhvendosur.
Sipas transmetimeve të dëshmitarëve, shumica e viktimave u dogjën nga zjarri që shpërtheu në klinikën e UNRWA-së si pasojë e sulmit të avionëve luftarakë të Izraelit.
Klinika e cila u dëmtua rëndë në një sulm të mëparshëm, po përdorej si vend për palestinezët e pastrehë.
Kryeministri izraelit, Benjamin Netanyahu, në një deklaratë që bëri ditën e diel, kërcënoi se do të përshkallëzojë luftën në Rripin e Gazës dhe se do të zbatojë planin e presidentit amerikan, Donald Trump, për të zhvendosur palestinezët.
