Izraeli mbyll Xhaminë Ibrahimi për adhuruesit muslimanë për shkak të Pashkës hebraike

Xhamia do të qëndrojë e mbyllur deri të hënën në mbrëmje.

Izraeli sot mbylli Xhaminë Ibrahimi në qytetin El-Halil (Hebron) në Bregun Perëndimor për besimtarët muslimanë për dy ditë për shkak të festave hebraike, tha drejtori i xhamisë.

“Forcat izraelite mbyllën xhaminë Ibrahimi dhe penguan hyrjen e besimtarëve muslimanë, ndërsa kolonët izraelitë u lejuan”, tha Ghassan Al-Rajabi për Anadolu.

Ai tha se xhamia do të qëndrojë e mbyllur deri të hënën në mbrëmje.

Aktivisti palestinez Aref Jaber tha se ushtria izraelite ngriti postblloqe ushtarake në afërsi të xhamisë përpara festës së Pashkës hebraike.

Aktivisti tha se pret ardhjen e dhjetëra mijëra kolonëve nga i gjithë Bregu Perëndimor i pushtuar në xhami për të festuar festën hebraike.

I vlerësuar nga muslimanët dhe hebrenjtë, kompleksi i Xhamisë Ibrahimi në Hebron besohet të jetë vendi i varrimit të profetëve Ibrahim, Ishak dhe Jakub.

Pas masakrës së vitit 1994 të 29 besimtarëve palestinezë brenda xhamisë nga një kolon ekstremist hebre, Baruch Goldstein, autoritetet izraelite e ndanë kompleksin e xhamisë midis adhuruesve muslimanë dhe hebrenj.

Kategoritë
BotaLajme