Ministria e Mbrojtjes e Izraelit dhe ushtria kanë përfunduar pajisjen e skuadrave të armatosura në 97 komunitete pranë kufirit të Izraelit dhe Libanit.
Rreth 9,000 pushkë sulmuese IWI Arad, të blera për 13 milionë dollarë, janë shpërndarë në komunitete, së bashku me 5,000 copë armë të blera në fillim të luftës aktuale, sipas një deklarate të Ministrisë së Mbrojtjes.
Drejtori i Përgjithshëm i Ministrisë së Mbrojtjes, Eyal Zamir, tha se blerja është pjesë e një projekti të vazhdueshëm “për forcimin e skuadrave të mbrojtjes civile që luftuan me guxim më 7 tetor”.
“Skuadrat civile” morën pjesë në luftime në jug të Izraelit gjatë sulmit të Hamasit më 7 tetor, përpara se të arrinin forcat e sigurisë. Për këto arsye, Ministria e Mbrojtjes së Izraelit ka nisur projektin për forcimin e këtyre njësive.
“Pasi kemi pajisur sërish komunitetet pranë kufirit të Gazës, tani po përfundojmë pajisjen e 100 skuadrave të mbrojtjes civile në veri me armë, duke përfshirë Arad — një armë e avancuar e zhvilluar në Izrael,” tha Zamir.
