Kryetari i SBASHK-ut, Rrahman Jasharaj, ka folur për “dhuratën” të Qeverisë për Ditën Ndërkombëtare të Mësuesit. Kryesindikalisti ka shkruar se kërkesa e tyre është modeste dhe presin që pagat të zbatohen por nuk përjashtoi veprime sindikaliste përsëri, transmeton Gazeta Metro.
Jasharaj tha se mësuesit në vendet tjera festojnë dhe blejnë ndonjë dhuratë, ndërsa në Kosovë “punëtorët e arsimit në Kosovë festojnë të dëshpëruar e pa pagat deri në këtë moment kur po shkruaj këtë shkrim”.
“Qeveria e tyre i ndëshkojë për grevën legjitime në kohën kur për të njëjtën grevë ua dha pagat shërbyesve civilë që me qëndrim dinjitoz ishin në grevën e njëjtë .Punëtorët e arsimit janë në pritjen e arsyeshme, që bile në pjesën e dytë të ditës së madhe të 5 tetorit, Ditës ndërkombëtare të mësuesit, të marrin pagat e të blejnë ndonjë dhuratë modeste e ta festojnë këtë ditë të madhe, por nëse kjo nuk ndodh , jo vetëm qytetarët e Kosovës , por edhe gjithë bota do ta kuptoj se Qeveria po sjell mesazhe pikëllimi për mësuesin e Kosovës edhe në këtë ditë të madhe të mësuesit kudo në botë.”
Mësimdhënësit kosovar protestuan me grevë për pesë javë e që edhe pas këtij zhvillimi qeveria nuk ua përmbushi kërkesat për rritje të pagave. Mësuesit grevistë u përballen me armiqësi të hapur nga pushteti dhe vet kryeministri Kurti që i tallte publikisht dhe e cilësoi grevën si politike të nxitur nga opozita.
SBASHK’u vendosi që të anulojë grevën dhe të kthehen në mësim javën e kaluar port të hënën u përballën me lajmin se nuk do të paguhen nga qeveria e Kosovës që u vlerësua si ndëshkim nga qeveria nga shumë opinionistë dhe opozita kosovare./gazetametro.net
Komunikata e plotë:
Dhurata” e Qeverisë për Ditën ndërkombëtare të Mësuesit
Është 5 Tetori dita ndërkombëtare e mësuesit. Sot të 31 milionë mësuesit , anëtarë të Internacionales Botërore të Arsimit, e në këtë numër bëjnë pjesë edhe anëtarësia e SBASHK-ut , me aktivitete shënojnë këtë ditë të madhe të mësuesit. Sot lartësohet kujtimi për sakrificat sublime të mësuesit nëpër vite e dekada. Sot rikthehet kujtimi edhe për mësuesit e Kosovës, që në vitet e 90-ta kanë bërë sakrifica sublime në mbrojtje të dritës kundër errësirës e duke ruajtur idealin dhe shpresën për Kosovën shtet.
Sot, më 5 tetor miliona mësues të botës kremtojnë ditën e tyre dhe blejnë ndonjë dhuratë e ca gjësende për të festuar, ndërsa punëtorët e arsimit në Kosovë festojnë të dëshpëruar e pa pagat deri në këtë moment kur po shkruaj këtë shkrim. Qeveria e tyre i ndëshkojë për grevën legjitime në kohën kur për të njëjtën grevë ua dha pagat shërbyesve civilë që me qëndrim dinjitoz ishin në grevën e njëjtë .Punëtorët e arsimit janë në pritjen e arsyeshme , që bile në pjesën e dytë të ditës së madhe të 5 tetorit, Ditës ndërkombëtare të mësuesit, të marrin pagat e të blejnë ndonjë dhuratë modeste e ta festojnë këtë ditë të madhe, por nëse kjo nuk ndodh , jo vetëm qytetarët e Kosovës , por edhe gjithë bota do ta kuptoj se Qeveria po sjell mesazhe pikëllimi për mësuesin e Kosovës edhe në këtë ditë të madhe të mësuesit kudo në botë.
Rrahman Jasharaj ,
