Jeff Bezos është një nga njerëzit më të suksesshëm në botë, por rezulton se një intervistë pune me “Mr.Amazon” është më e lehtë nga sa mendoni. Bezos intervistoi një punonjëse të mundshme të Amazon duke i bërë vetëm dy pyetje, më pas e punësoi menjëherë.
Ann Hiatt u intervistua për një punë në Amazon në vitin 2002, kështu që ju vetëm mund ta imagjinoni se sa e tmerruar ishte kur përfundoi përballë CEO Bezos si pjesë e procesit.
Edhe pse asaj iu desh të kalonte një sërë intervistash më të vogla për të arritur në këtë fazë, kur ishte radha e Bezos të fliste me të, gjërat shkuan shpejt. Në atë kohë, Hiatt ishte duke intervistuar për një pozicion të vogël asistent.
Ajo tha se Bezos filloi duke i vendosur asaj një lojë të thjeshtë truri që fillonte me fjalët e tij: “Unë do të bëj llogaritë”. “Unë dua që ju të vlerësoni numrin e paneleve të xhamit në qytetin e Seattle,” tha ai.
Ajo tha se mënyra më e mirë për të përcaktuar numrin përfshin numërimin e popullsisë së qytetit dhe më pas mbledhjen e saj në varësi të faktit nëse ata kanë një shtëpi, transport, zyrë dhe shkollë. “Kjo është arsyeja pse unë sugjerova që vlerësimin ta bazojmë në mesataret e tyre”, tha ajo.
Bezos mbeti i kënaqur me përgjigjen, më pas bëri një pyetje tjetër. “Cilat janë qëllimet tuaja në karrierë?” ai pyeti. Hiatt shpjegoi se ajo dëshiron të punojë në Amazon sepse, sipas saj, kompania përbëhet nga njerëz ambiciozë dhe pasionantë nga të cilët ajo dëshiron të mësojë dhe t’i imitojë. Kaq mjaftoi për të mbyllur marrëveshjen dhe Bezos e punësoi atë në vend.
