Presidenti amerikan Joe Biden ka bërë gabimin e radhës në një nga fjalimet e tij. Sipas raportimeve, nuk mund të mbante mend se nga cili qytet po tërhiqej ushtria ruse në Ukrainë dhe u shpreh se ata po largoheshin nga “Fallujah-u”.
Ky i fundit është një qytet në Irak ku u zhvillua beteja më e përgjakshme në vend, ndërsa ushtria ruse kohët e fundit njoftoi se do të tërhiqej nga qyteti juglindor i Ukrainës, Kherson.
Biden e korrigjoi veten shpejt, duke përmendur gjithashtu Kherson-in, por deklarata u ngatërrua pak.
Në një konferencë shtypi më herët të mërkurën, presidenti tha: “Unë mendoj se konteksti është se pavarësisht nëse po tërhiqen apo jo nga Fallujah- nga qyteti i Khersonit – dhe [forcat ruse] po kthehen përtej lumit në anën lindore të lumit [Dnieper].”Kujtojmë se lideri i ushtrisë ruse njoftoi dje se forcat do të tërhiqen nga një prej qyteteve të vetme të mëdha që ata pushtuan që nga fillimi i pushtimit.
