Udhëheqësi çeçen Ramzan Kadyrov kërcënoi sërish Perëndimin në një video-mesazh dhe tha se Rusia nuk do ta lejojë kurrë veten të humbasë betejat, duke shtuar se ajo gjithmonë ka mundësinë të shtypë butonin dhe të thotë “Salaam Aleikum”.
Këshilltari i Ministrit të Brendshëm të Ukrainës Anton Gerashchenko publikoi një video në të cilën lideri çeçen Ramzan Kadyrov i drejtohet dhe kërcënon drejtpërdrejt me një sulm bërthamor në Perëndim.
"Russia will never allow itself to lose a battle. We will push the button and 'Salam Aleykum'!" – Kadyrov tells cheerfully and adds that Russians will go to heaven, the rest of the world – to hell. pic.twitter.com/IpBRGwCk9p
— Anton Gerashchenko (@Gerashchenko_en) January 17, 2023
“Rusia është një vend i madh, një vend bërthamor. Rusia kurrë nuk do ta lejojë veten të humbasë asnjë betejë, ne mund të shtypim një buton dhe Salam Aleikum. Siç thotë presidenti ynë, a kemi vërtet nevojë për një botë pa Rusinë. Pse duhet t’i lejojmë këta të poshtër të jetojmë dhe ne nuk mundemi? Të zhdukemi të gjithë, ne do të shkojmë në parajsë dhe ata në ferr”, thotë Kadyrov duke buzëqeshur.
Kjo nuk është hera e parë që lideri çeçen besnik ndaj regjimit të Putinit kërcënon Perëndimin, ai ka thënë vazhdimisht se kushdo që kundërshton Rusinë “do të mbetet pa dhëmbë”, ai kërcënoi gjithashtu Poloninë duke thënë se i duhen “vetëm gjashtë sekonda”. për t’u treguar polakëve se ku janë.