Kali Zazou i liderit çeçen Ramzan Kadyrov, i vjedhur në Republikën Çeke, thuhet se është duke u kthyer tek pronari i tij. Këtë e tha Kadyrov të hënën në rrjetin social Telegram.
Kadyrov pretendon se vjedhja e kuajve është inskenuar nga shërbimet sekrete ukrainase në bashkëpunim me policinë çeke.
Në postimin e tij, Kadyrov pretendon se hamshori i tij ishte vjedhur nga një stallë në Roudnick, Republika Çeke, nga anëtarë të shërbimit sekret ukrainas, të cilët ia shitën atë për 18,000 dollarë dhe që bashkëpunuan me policinë çeke.
Kadyrov më parë vlerësoi vlerën e kalit në të paktën dhjetë milionë dollarë. Zëdhënësi i presidencës së policisë çeke, Jozef Bocán, nuk ka komentuar ende për rastin.
“Në fillim të vitit, përfaqësuesit e shërbimeve speciale ukrainase më kontaktuan përmes ndërmjetësve, të cilët më ofruan të blija Zazou. Ata e dinin se sa kujdesesha për kalin dhe kishin të drejtë, sigurisht që pranova. Të them të drejtën, unë mendoi se Zazou do të dorëzohej pak a shumë zyrtarisht, me heqjen e sanksioneve”, ka shkruar Kadyrov.
“Megjithatë, doli se shërbimet sekrete kishin një plan të guximshëm, ata thjesht inskenuan vjedhjen e tij nga stallat në Republikën Çeke, në bashkëpunim me policinë çeke,” tha Kadyrov, duke shtuar se Zazou tani ishte në rrugën e tij për në shtëpi.
Sipas policisë çeke, një autor i panjohur ka vjedhur një kalë nga një stallë në Krabçice në fillim të muajit mars. Amshoni ka qenë nën regjimin e sanksioneve që nga viti 2014 për shkak të aneksimit të gadishullit ukrainas të Krimesë nga Rusia.
Kadyrov deklaroi se tani ka paguar rreth 16.500 euro për kthimin e hamshorit të tij të dashur, afërsisht të njëjtën shumë që policia çeke deklaroi si vlerën e kalit.
“Duke pasur parasysh vlerën e vërtetë dhe origjinën e përsosur, është një gjë e vogël. Pra, miq, nëse keni nevojë të sillni diçka nga Evropa, kontaktoni shërbimet sekrete ukrainase. Shpejt, profesional, i lirë dhe pa sanksione”, shkroi Kadyrov.
