Nga 4 deri në 5.5 milionë njerëz pritën kombëtaren e Argjentinës dje në kryeqytetin Buenos Aires, por festimi i titullit të kampionatit botëror nuk shkoi sipas planit, ndaj lojtarët në vend të autobusit u dërguan në pallatin presidencial me helikopter.
Një pjesë e fansave nuk i ka pëlqyer ndryshimi i planit, ndaj disa prej tyre kanë hedhur objekte të ndryshme drejt policëve, ndërsa është shfaqur një video e tifozëve të zhurmshëm duke rrëmbyer një makinë policie dhe duke u argëtuar në të pranë Obeliskut.
Deri në orën 15:30 të së martës, në pritje u regjistruan tetë të plagosur dhe ndërkohë u shfaq një lajm tragjik, pasi një tifoz 24-vjeçar u rrëzua nga çatia dhe humbi jetën gjatë festës së tepërt.
La celebración por la Copa Mundial en la ciudad de Buenos Aires, Argentina, terminó en actos de vandalismo, saqueos y disturbios.#NoticiasRNN #Disturbios #Saqueos #Vandalismo #Argentina #Mundial #Catar #Policía pic.twitter.com/kbewcjxqkn
— Noticias RNN (@NoticiasRNN) December 21, 2022
Një tjetër tifoz ka ndërruar jetë në spital si pasojë e një dëmtimi në kokë që ka pësuar gjatë festës dhe ka frikë për fatin e një 5-vjeçari, i cili ndodhet në koma pasi ka plagosur rëndë kokën në Plaza San Martin.
Mediat argjentinase raportojnë se të paktën 21 persona u plagosën në konfliktin mes policisë dhe tifozëve në Obelisk, duke përfshirë tetë policë dhe zjarrfikës.
14 persona u arrestuan pasi policia tentoi të evakuonte një grup personash që po argëtoheshin brenda monumentit, por tifozët e tjerë i sulmuan me gurë dhe shishe dhe filloi një konflikt i ashpër.
Probleme ka pasur edhe para evakuimit të lojtarëve me helikopter, pasi disa nga tifozët tentuan të hidheshin në autobus me kombëtaret, madje u hodhën nga ura.
