Avioni i parë me ndihma humanitare nga Katari për popullin sirian, mbërriti në qytetin juglindor të Türkiyes, Gaziantep
Katari njoftoi nisjen e një avioni me ndihma humanitare për popullin sirian pas rënies së regjimit të Bashar al-Asadit, transmeton Anadolu.
Ministria e Jashtme e Katarit tha se nën drejtimin e Emirit të vendit, Sheikh Tamim bin Hamad Al-Thani, avioni i parë i ngarkesave ushtarake të Katarit mbërriti në qytetin juglindor të Gaziantepit të Türkiyes, duke transportuar ndihmën ushqimore dhe mjekësore të ofruar nga Fondi i Katarit për Zhvillim.
Theksohet se avioni i ngarkesave me ndihma është pjesë e një transporti ajror nga Katari për të ndihmuar popullin sirian dhe për të ndihmuar në zbutjen e situatës humanitare.
Asadi dhe familja e tij u larguan në Rusi pasi grupet kundër regjimit morën kontrollin e kryeqytetit Damask të dielën, duke shënuar kështu rënien e regjimit të Partisë Baath, e cila kishte qenë në pushtet në Siri që nga viti 1963.
