Nënë e bijë ishin dy këmbësoret që u goditen me veturë në Obiliq.
Gjendja e tyre aktualisht është shumë e rëndë, kështu ka konfirmuar për Gazetën Express, mjeku kujdestar në Emergjencë, Avdush Bajgora.
“Gjendja është shumë e rëndë. Janë nënë dhe vajzë”, tha ai.
Policia tha se si pasojë e këtij aksidenti, lëndime të rënda trupore kanë pësuar dy këmbësorët të cilët janë dërguar për tretman mjekësor.
“Sot rreth orës 19:00 kemi pranuar informatën se në rrugën “Hasan Prishtina” në Obiliq, ka ndodhur një aksident trafiku. Në këtë aksident kanë qenë të përfshirë, dy këmbësorë dhe një automjet. Si pasojë e aksidentit lëndime të rënda trupore kanë pësuar dy persona (këmbësorë) të cilët janë dërguar për tretman mjekësor.
Me rastin po merret njësiti i trafikut”, thuhet në përgjigjen e PK’së.
