Këshilli prej 15 anëtarësh miratoi njëzëri një rezolutë të hartuar nga SHBA dhe Meksika
Këshilli i Sigurimit i Kombeve të Bashkuara (OKB) vendosi sanksione ndaj grupeve kriminale në Haiti, duke përfshirë ngrirjen e aseteve, ndalimin e udhëtimit dhe embargon e armëve, raporton Anadolu Agency (AA).
Këshilli prej 15 anëtarësh miratoi njëzëri një rezolutë të hartuar nga SHBA dhe Meksika.
Rezoluta synon në mënyrë specifike liderin e bandës Jimmy Cherizier, i njohur gjithashtu me pseudonimin “Barbecue”.
Shteti i Karaibeve është përballur me një sërë katastrofash në vitet e fundit, duke përfshirë tërmetet shkatërruese, trazirat politike dhe dhunën e shfrenuar të bandave.
Grupet e fuqishme kriminale kanë bllokuar terminalin kryesor të vendit që nga shtatori, duke dëmtuar furnizimet bazë si uji dhe ushqimi dhe duke penguar funksionimin e bizneseve dhe spitaleve.
Gjithashtu, kolera është rishfaqur në Haiti këtë muaj me dhjetëra të vdekur mes mungesës së ujit dhe furnizimeve të tjera bazë.